Pidarta Tri Kaya Parisudha Menggunakan Bahasa Bali
TRI KAYA PARISUDHA
“ Om Swastyastu, Om
Awignamastu Namo Siddham”
Pamekas para
panureksa sane dahat kusumayang titiang.
Ida
dane sareng sami pamilet pacentokan dharma wacana sane tresne asihin titiang.
Sadurung
titiang matur lugrayang titian ngaturang rasa angayubagia majeng ring Ida Sang
Hyang Parama Kawi riantukan sangkaning asung kertha wara nugrahan ida ring
galahe sane becik kadi puniki titian asapunika taler ida dane sareng sami
prasida masadu ajeng, mapupul gumantin ipun ngamiletin utshawa dharma wacana
rahina ne mangkin. Dumadak wekasan pemargi kadi asapuniki sayan nglimbak
kawentenan ipun wasusila ngajegang jagat baline ajeg.
Taler
Tan lali titiang ngaturang geng rena pengampura ring para jana sane wenten
iriki riantukan sampun pastika ring sajeroning semita, busana, suara turmaning
daging dharma wacana sane nenten manut ring arsa titian nunas geng rena
pengampura , nika makasami medasar antuk kawimudan titian.
Ida
dane sareng sami mungguing dharma wacana sane pacang aturuningayang titiang
inggih punika mamurda “Tri Kaya Parisudha” bantang ngajegang jagat bali.
Yening
maosang indik tri kaya parisudha pamekas sane wenten paiketanyane ring
sajeroning upahayu jagat bali, punika wantah pabuat sane dahat mautama pisan.
Tri
kaya parisudha teges ipun ajah ajahan kedharman utawi kebenaran agama hindu.
Tri kaya parisudha mewit saking semboyan dharma sane kasurat ” Paropakaran
punya ya, papaya, para piadanam” sane meteges tri kaya parisudha kewangun antuk
tigang kruna inggih punika tri, kaya, lan parisudha. Tri sane meteges tiga,
kaya sane meteges gerak utawi parilaksana lan parisudha sane meteges suci.
Dadosnyane tri kaya parisudha meteges tigang gerak utawi parilaksana sane musti
kasuciang. Tetiga tingkah punika sakadi mapineh, mabaos, lan maparilaksana.
Tri
kaya parisudha kakepah dados tigang soroh inggih punika kapertama kayika
parisudha sane mateges maparilaksana sane becik conto nyane nenten mademang
utawi membunuh sarwa maurip pangardin hyang widhi, sane kaping kalih inggih
punika wacika parisudha sane meteges mebaos utawi ngeraos sane becik umpani
nenten ingkar ring satya, nenten nguluk nguluk, sane kaping tiga inngih punika
manacika parisudha sane meteges mapineh sane becik contonyane nenten ingkar
ring karma pala.
Ring
kalpa mangkin sane kabaos kaliuga, wiadin zaman kali meweh pisan iraga ngerereh
anutan, arang pisan iraga nemu manusa sane subudi pekerti luhur. Yugane sampun
usak nika ngawinang jagate akeh byuta, akeh kapialang, bromocorah, duratmaka,
durjana miwah dusta. Akeh jadma ne sane madat, madon ngulurin sadripu sane
ngawetuang sapta timira ring manusa ne soang soang.
Yening
iraga maparilaksane sane becik wenang hasil sane katerima sami becik,
selaturnyane asapunika taler yening iraga maparilaksana sane nentem becik wenang
hasil sane katerima sami nenten becik. Sakadi semboyan sane kasurat “ ala ulah,
ala tinemu ayu kinardi, ayu pinanggih”.
Ida
dane sareng sami sane dahat wangiang titiang.
Nika
ngawinang iraga sareng sami patut saling asah, asih, lan asuh ring sameton iraga
sareng sami. Antuk tri kaya parisudha pasawitran, pasametonan, bebanjaran dados
ingkup iraga patut sagalak saguluk salunglung sabayantaka, paras paros
sarpanaya kenten baos para panglingsire nguni. Yening iraga sampun prasida
paras paros tur sane lianan punika pastika tatujon agamane “MOKSA lan
JAGADHITA” prasida kapanggih.
Inggih
ida dane sareng sami sane dahat kusumayang titiang.
Wantah
kadi asapunika mungguing dharma wacana titian ring galahe sane becik kadi
mangkin puniki, mogi mogi je wenten pikenoh ipun, manawi wenten atur titiang
sane nenten manut ring arsa ida dane sareng sami titian ngelungsur geng rena
pangampura. Maka wasananing atur puputang titian antuk ngaturang parama santi.
Om Santih, Santih, Santih Om.
Belum ada Komentar untuk "Pidarta Tri Kaya Parisudha Menggunakan Bahasa Bali"
Posting Komentar